Përshkrimi

AZA Electronics eshte ne kerkim te pozicionit: MANAXHER
Vendodhja: TIRANE

FUNKSIONI BAZË DHE QËLLIMI I PËRGJEGJËSIVE
Menaxheri i dyqanit është përgjegjës për menaxhimin e përditshëm të dyqanit dhe mbarevajtjen e tij në përputhje me standartet e vendosura nga kompania dhe punëdhënësi. Qëllimi kryesor i punës së menaxherit të dyqanit është të përmiresojë shitjet dhe maksimizojë fitimet duke rritur xhiron ditore. Për arritjen e këtyre objektivave menaxheri i dyqanit ka përgjegjesinë kryesore që lidhet me: funksionimin e dyqanit; menaxhimin e stafit të dyqanit,mirembajtjen dhe modifikimin e mallit sa here eshte e nevojshme, kontrollin e kasës, arketimet dhe inventarin; shërbimin ndaj klientit; imazhin e dyqanit , aktivitetet logjistike dhe administrative që ka në përgjegjësi.

Detyrat

DETYRAT DHE PËRGJEGJËSITË:

• Menaxhon dhe motivon stafin e dyqanit që të rrisë shitjet ditore dhe të maksimizojë efikasitetin në punë;
• Sigurohet që të gjitha operacionet në dyqan të kryhen në përputhje me politikat e vendosura nga kompania;
• Merr në dorëzim mallin sa herë që vjen furnizimi dhe sigurohet që procedura përkatëse të ndiqet me përpikmeri; firmos dokumentacionin e nevojshëm dhe koordinon me financën për mbylljen e gjëndjes së inventarit pas marrjes së mallit në dorëzim;
• Përpilon dhe raporton te Departamenti i Marketingut dhe Shitjeve në kohë për problematika të caktuara në dyqan si dhe ankesat dhe komentet e klientëve;
• Planifikon detyrat e stafit në varësi, kontrollon zbatimin e detyrave, bën vlerësimin periodik të performancës, zhvillon intervistat për pozicionet e reja vartese, ofron dhe propozon trajnim dhe mundesi zhvillimi profesional për stafin e dyqanit nëpërmjet:
• Ndjek me rigorozitet zbatimin e orarit të punës dhe të disiplinës në punë nga stafi dhe i propozon eprorit, kur është e nevojshme, masa disiplinore të argumentuara në lidhje me problemet e konstatuara;
• Menaxhon dhe kontrollon stokun (shërbimet që nuk shiten, nëpërmjet riorganizimit të cmimeve); mban të gjithë dokumentacionin për sa i perket nivelit te stokut;
• Përpilon me përgjegjesi listë prezencat mujore të stafit, duke zbatuar të gjitha rregullat e përcaktuara në këtë drejtim (orarin normal të punës, oret jashte orarit, lejet e zakonshme, etj) dhe duke derguar ne finance raportin e honorareve per ditet e munguara ose shtese te stafit;
• Siguron zbatimin e standarteve bazë të cilësisë, paraqitjes dhe vendosjes së mallit në dyqan; të rregullit dhe pastërtisë në dyqan ,paraqitjen e vitrinave ,paraqitjen e stafit ne varesi , të funksionimit të përditshëm të dyqanit si dhe të shërbimit ndaj klientit;
• Organizon me përpikmeri përshtatjet dhe rregullimet e sherbimeve të dyqanit sipas kërkesave të klienteve të shkruara në kontratë, në kohë dhe në cilësi;
• Gjen dhe sugjeron forma praktike dhe krijuese, duke bashkëpunuar ngushtë me Departamentet e Administrates dhe duke marrë aprovimin nga eprori;
• Përpilon raporte statistikore periodike për të analizuar nivelin e shitjeve sipas objektivave te vendosura;
• Sugjeron/propozon tek eprori ide dhe inisiativa për përmirësimin e biznesit;
• Asiston vetë në shitje sa herë që është e nevojshme;
• Mban përgjegjësi për inventarin;

Kualifikimet

KUALIFIKIMET DHE AFTËSITË E KËRKUARA
Edukimi: Arsimi I Larte (në Administrim Biznesi e preferueshme);
Eksperiencë Pune: Preferohen kandidatë me mbi 1 vit përvojë profesionale në menaxhim dhe shitje, përbën përparësi përvoja në Biznes;

AFTËSITË:

• Aftësi shumë të mira lidershipi;
• Aftësi të mira ndërveprimi në biznes dhe shitje: ai duhet të ketë aftësi të shkëlqyera në komunikim si gojarisht, të shkruar po ashtu dhe nëpërmjet telefonit, me vartësit dhe me klientët;
• Aftësi shumë të mira në menaxhimin e kohës;
• Aftësi shumë të mira organizuese dhe percaktim prioritetesh;
• Njohuri të gjuhës angleze,italiane;
• Njohuri shumë të mira të programevë të paketës Office;
• Fleksibilitet ne orare;

Mirëpresim të gjithë kandidatët e interesuar të cilët mund të dërgojnë aplikimin e tyre (CV-në) në adresën: hr@azaelectronics.com si edhe ne nr e kontaktit: 0697055345, Ju informojmë se vetëm kandidatët e përzgjedhur nga dokumentacioni i tyre do të njoftohen për intervistë.