Themeluar në 2019, DIMAL INC është një kompani inovative e specializuar në përpunimin e mishit dhe nënprodukteve të tij. Çdo fillim ka një histori, në këtë rast janë puna dhe pasioni i themeluesit për cilësinë dhe shijen e cila është kthyer në moton e kompanisë “Pasion dhe shije”.

Tek DIMAL INC, ne vlerësojmë talentin dhe besojmë se është kyç për suksesin tonë. Ftojmë të gjithë ata që kanë pasion inovacionin dhe cilësinë të bashkohen me ekipin tonë dhe të ndihmojnë në misionin tonë për të sjellë më të mirat në tryezat e shqiptarëve.

diMal INC kërkon të punësojë: Brand Manager.

Detyrat

• Ka njohuri të thella mbi produktet e kompanisë, proceset e prodhimit dhe pozicionimin e tyre në treg;
• Kujdeset për prezantimin dhe imazhin e markës në treg, duke siguruar përputhje me strategjinë e përgjithshme të kompanisë;
• Mban dhe zhvillon marrëdhënie bashkëpunimi me furnitorët dhe partnerët tregtarë, sipas kategorive të produkteve që menaxhon;
• Siguron informacion të vazhdueshëm mbi produktet, çmimet dhe aktivitetet e konkurencës, me qëllim përshtatjen e politikave tregtare;
• Merr pjesë aktive në diskutimet për vendosjen e çmimeve dhe strategjitë e pozicionimit të produkteve në treg;
• Ndjek performancën e shitjeve të produkteve të markës, analizon tendencat dhe ndërhyn në kohë për të shmangur problematika në procesin e shitjes apo distribucionit;
• Analizon dhe përgatit raporte mbi ecurinë e produkteve sipas kategorive, duke propozuar masa për përmirësim të volumit dhe fitueshmërisë;
• Përzgjedh dhe përgatit produktet për fushata promocionale dhe aktivitete marketingu, në bashkëpunim me agjencinë e marketingut;
• Bashkëpunon ngushtë me Departamentin e Blerjeve, Shitjeve dhe Prodhimit për të garantuar disponueshmërinë, cilësinë dhe përputhshmërinë e produkteve me kërkesat e tregut;
• Monitoron stokun e produkteve të markës dhe ndjek statusin e porosive për të shmangur mungesat ose tepricat në treg;
• Mbikëqyr të gjitha aktivitetet e promovimit, paketimit dhe komunikimit vizual që lidhen me markën;
• Siguron që produktet të jenë në përputhje me standardet e cilësisë dhe etiketimit të kompanisë dhe legjislacionit në fuqi;
• Përgatit raporte javore dhe mujore për planin e veprimtarisë së markës dhe raportim periodik te Menaxheret dhe drejtuesit e kompanisë;
• Merr pjesë aktive në organizimin e aktiviteteve promocionale, degustimeve dhe eventeve tregtare që lidhen me markën;
• Punon për rritjen e njohjes dhe besueshmërisë së markës në tregun vendas.

Kualifikimet

• Të ketë përfunduar Arsimin e lartë për Financë, Marketing, Administrim Biznesi etj.
• Të ketë mbi 5 vjet eksperience pune në sektorin e shitjeve përparësi sektori i ushqimeve.
• Njohje shumë e mirë e tregut.
• Aftësi për të ndërtuar marrëdhënie aftgjata dhe konstruktive me klientet dhe bashkëpunëtorët.
• I aftë të menxhojë kohën, përpilojë plan pune dhe ta ndjekë atë me focus arritjen e ojektivave.
• Të zotërojë ''Paketën Office''.
• Të ketë aftësi të mira menaxheriale,vendimarrëse dhe raportuese.
• Aftësi të shkëlqyera në komunikim verbal dhe të shkruar, me palët e interesuara dhe me të gjithë palët e tjera.
• Aftësi të mira negociuese në mbyllje kontratash.

Personat e interesuar duhet të dërgojnë CV me foto dhe Letër Interesi me email në adresën: Hr@Dimal.com ose të kontaktojnë në numrin e telefonit 0692037422.